عرض الدفعة الثانية لـ ٢٠٢٥
لاحظ فرق واضح في مستواك في ٧ يوم والا تقدر تسترجع مبلغك بالكامل
باقي على نهاية الدورة
فرص وظيفية قوية تضيع عليك بسبب شرط الستيب؟
درجة الستيب هي العائق بينك وبين دراستك؟
ما تبغا تضيع فلوسك ووقتك وما تحقق الدرجة؟
بديت من الصفر في الانجلش وكانت تجربتي مع اللغة عبارة عن معاناة.. كنت احاول اطبق كل نصيحة اسمعها،
وجربت طرق كثييرة وكل مرة طريقة تفشل كنت اتحطم اكتر .. صرفت آلاف الريالات وضيعت ٣ سنوات ولسه ماني
قادر اوصل للخلطة السحرية اللي تساعدني اجيب درجة قوية باختبارات اللغة زي الايلتس والستيب عشان
احقق حلمي بدراسة الماجستير في جامعة قوية وبعدها اتوظف في شركة كبيرة..
وبعد تجربة ٥٠ الف طريقة قدرت اوصل لافضل الطرق اللي تختصر الوقت والمجهود وساعدتني احقق درجة ٩٧
باختبار الستيب في اشهر قليلة مو سنوات!
وبعدها قررت انشر تجربتي واختصر الطريق على المهتمين باختبار الستيب والحمدلله ساعدت أكثر من ١٥
مليون شخص خلال الـ ١٠ السنوات الماضية في تحقيق طموحهم في اختبارات اللغة وتأسيس وتطوير لغتهم من
الصفر حرفيا من خلال دوراتي المكثفة والمحتوى اللي بقدمه على السوشيال ميديا.
⚙️ اقوى التكنيكات
اللي تختصر عليك الطريق
👨🏻💻 دروس مصممة بتقنية الـ
Active Focus اللي تخليك تندمج وما تحس بالوقت وتتعلم بدون ما تمل
🛣️ المسار الشخصي
يرتب لك الدروس خطوة بخطوة
🧑🏻🎓 نتائج حقيقة
حتشوف تطور ملحوظ بأقل وقت ومجهود
ودا مو بس كلامي ..هذي تجارب وكلام مجربين يوصلني يوميا ..
🎉 عزام بدأ بالدورة ودرجته بالستيب كانت ٤٨ وفي وقت قليل قدر يحقق هدفه ويوصل لدرجة ٧٢
لدرجة انه درجته هذي انحجبت ولما اختبر مرة ثانية وصل لدرجة اقوى كمان وحقق الـ ٨٦
البداية كانت تخوف كحاجة جديدة لكن الحمدلله بديت step by
step معاكم والدورة فادتني الحمدلله كثيير ، وفيه تركات تقولها في الدورة
مررة كويسة فادتني حتى في حياتي اليومية
تجربة عزام - درجة
٨٦
🎉 نواف قدر يوصل لدرجة فوق المطلوب منه للتقديم على الوظيفة اللي يبغاها وحقق هدفه بدرجة
٧٨
صراحة الكتيب جدا جدا جدا الحمدلله فادني بشكل مو طبيعي حتى جاتني منه اسئلة والشئ اللي
اتعلمته من الدورة بشكل عام انه اذا استمريت على شئ سواء كان ساعة ولا نص ساعة صراحة
هذي المقولة انا ما كنت اؤمن فيها بس طلع حقيقي فالحمدلله الاستمرارية ترى لها دورة
كبير انها تطور الانسان وتخليه يروح فوق في السما
تجربة نواف - درجة
٧٨
🎉 نورا كانت تبغا درجة قوية باختبار الستيب للوظيفة وكانت تتوقع حتحتاج تختبر اكتر من مرة
عشان تحقق دا الهدف، لكن بدأت الدورة وجابت الدرجة في شهر، طبقت التكنيكات و جابت الـ ٨٣ من
اول اختبار
انا نورا صراحه بديت بالدورة وكنت مره متحمسة معها اسلوب الشرح والاسئلة جداً يشد
الانتباه ، قبل الاختبار بشهر بديت و حجزت و توكلت على الله، و الحمدلله كان جداً سهل
صراحه ما توقعت كذا،القطعة و اسئلتها جداً مفهومة حتى قفلت القسم وهو باقي لي فيه ٢٠
دقيقة.
تجربة نورا - درجة
٨٣
🎉 عبدالرحمن كان هدفه يجيب درجة ٧٠ ، دخل الدورة بمستوى جدا بسيط والدورة ساعدته بقوة خاصة
التكنيكات ومع نهاية مساره بالدورة كان وصل لدرجة فوق هدفه فعليا.
انا عبدالرحمن، كنت اختبرت قبل الدورة وكانت الدرجة ضعيفة جدا فقررت ادخل الدورة مع
حجازي ومن المرة الثانية جبت درجة فوق اللي اتوقعته الحمدلله.
تجربة عبدالرحمن - درجة
٨٢
🎉 زياد دخل الدورة كان مستواه شوي مبتدئ، كان يحتاج درجة قوية للبكالوريوس، اشتغل على
تطوير مهارات اللغة عنده مع التكنيكات ووصل لدرجة ما كان يتوقعها.
انا زياد دخلت الدورة مستوايا كان ضعيف، لكن ما اتوقعت اوصل لهذي الدرجة ابدا، راضي جدا
عن درجتي وجدا مبسوط فيها الحمدلله،، اكتر شيء الدورة ساعدتني فيه هي مهارة القراءة
حسيت اني تطور مستوايا مررة، كمان الاستماع صار افضل،، بشكل عام طلعت بحاجات أكثر من
مجرد اختبار الحمدلله.
تجربة زياد - درجة ٧٥
بدل ما تروح تحفظ الاسئلة وتروح تجرب الاختبار وتجرب حظك علي الفاضي بدون ما تذاكر انت راح تفهم الطريقة اللي يجي بيها الاختبار وكيف تقدر تدور علي الاجابات بطريقة مختصرة، وكمان تدرب على كم سؤال من الأسئلة المتوقعة وبكدا انت جاهز تحل اي سؤال يقابلك.
- فمرة واحدة انت فهمت راح تقدر تحل فوق الـ ١٠٠ سؤال، وبالتالي مجهودك حيكون اقل، فهذي الطريقة حتكون اسرع من الحفظ فما راح تتفاجأ بأي سؤال جديد، والاهم انك راح تقدر تجيب الدرجة من اول مرة فما راح تعاني من انك تقعد تجرب وحجب الدرجة وتنتظر تحجز موعد جديد
حيكون عندك في الدورة اكتر من ٣٨٠ كلمة اساسية واللي تتكرر في اختبار الستيب، تساعدك يكون عندك حصيلة لغوية قوية للاختبار بشكل خاص ولغتك بشكل عام.
فهنا نركز على انه نعلي مستوانا في القراءة عن طريق تطوير القراءة بطريقة مبسطة تناسب مستواك على قطع مشابهة لنمط الاختبار عشان تزيد استيعابك وسرعتك في القراءة وبالتالي تضمن درجة قوية بدون ما تعاني
سوينا تحليل وشوفنا فيه ايش اهم القواعد اللي اختبار الستيب مركز عليهم ، أحمد حجازي شرح هذي القواعد المهمة والأساسية في اختبار الستيب بشكل مفصل، وعميق، وتفاعلي، حتشوف القاعدة،، حتتدرب، تاخد اختبار تجريبي وهكذاا
جمعت لك اكتر من ٥٠٠ تدريب تفاعلي على الأسئلة المتوقعة في الستيب لكل الاقسام، ف انت ما حتتفرج، انت حتطبق ،، دورك انك تحل معايا ،، وتتدرب على التكنيكات بشكل عملي.
حيكون عندك اختبارات تجريبية هدفها تحط نفسك تحت ضغط الاختبار وتعيش جو الاختبار فحتكون
عندك اختبارات بوقت محدد، محاكاة للاختبار الفعلي
الاجوبة حتطلع لك في النهاية وحيقولك درجتك، فبيعودك على بيئة الاختبار بحيث لما تدخل
الاختبار ما
تكون متفاجئ، بالعكس تكون متعود على كيف تطبق التكنيكات، طريقة إدارة الوقت، …
حيكون عندك صلاحية دخول لا محدودة طول فترة اشتراكك لورش عمل حضورية جماعية بتكون فيها طاقة وحماس نتجمع ونحل ونتفاعل مع بعض
تساعدك في المراجعة والتدريب وكمان اذا تحب الاشياء الملموسة عشان تذكرك بهدفك دايما والحقيبة فيها ( كتيب مختصر للتكنيكات والتدريب على الاسئلة المتوقعة ، كروت تثبيت لأهم الكلمات ، تقويم الانجاز للمذاكرة)
اذا تبغى مدرس معاك يصحح لك اخطائك بالجرامر ويوضح لك ليش غلط وكيف تستخدم القواعد صح فحاب ابشرك انه جبتلك الاقوى من ٥٠ مدرس مع اداة الذكاء الاصطناعي شكسبير لانه حيكون معاك ٢٤ ساعة وحيساعدك تتدرب بشكل تدريجي عشان ما تلاقي صعوبة وتقدر تطلب منه يديلك اسئلة اسهل او اصعب الين تختم القواعد
أغلبنا بيكون خايف ومتوتر ليلة الاختبار هل تجلس تراجع وتحل اختبارات تجريبية؟ او ما تسوي اي شيء وتحاول بس ترتاح وتنام؟ طيب وكيف راح يكون شكل الاختبار؟ وكيف اقدر اخلص الاختبار في الوقت بالزبط؟ كللل هذي الاسئلة بتكون عندك وبتوترك اكثر وعشان كدا حاب اشاركك هذي الورشة نصايح عملية وخلاصة سنوات من تجاربي الشخصية واللي راح تساعدك تعرف ايش تسوي قبل الاختبار وكيف راح يجيك وحنثبت فيها اهم التكنيكات عشان تقدر تدخل الاختبار بكل أريحية
خدمة المتابعة الاسبوعية للانجاز
مين فيكم يتفق انه بعض الأحيان نحتاج تذكير باهدفنا اكثر من مجرد تعليم!؟ فتخيل لو كان معاك فريق يتابع انجازك اسبوعيا وجاهز يرد على اسئلتك في أي وقت من اليوم! ودا حيساعدك تستمر ان في حد قاعد يسألك وصلت لفين ويذكرك بهدفك.. واذا في اي عوائق ما حيسيبك الا لما تحلها 😈 وعشان كدا حيكون عندك خدمة المتابعة الاسبوعية للانجاز من فريقي واللي حتضمن لك تقدمك والاستمرارية في تحقيق هدفك
اغلبنا في اسئلة القراءة والجرامر بيكون فاهم وعارف الاجابة لكن مع ضيق الوقت يبدأ يتوتر ويغلط وبالتالي تضيع عليه درجات وعشان كدا اشتغلت الاسابيع الماضية على شئ مميز حيساعدك تستغل كل دقيقة بالاختبار وهو “تحدي دبل سرعتك في الستيب” فحيكون عندك أسئلة جرامر وقراءة مع تايمر، عشان تتعود تحل تحت ضغط الوقت بنفس جو الاختبار وبالتالي تصير اسرع وادق
الدورة اختصرت على الاف المشتركين وقت رهيب، كانت ممكن تضيع فرص حقيقة عليهم اذا ما وصلو للدرجة المطلوبة في دا الوقت، طيب يجي السؤال كيف التزم كل هذولا الناس بالمذاكرة اليومية؟ ما كان يجي شعور بالطفش او انه يبغا يسحب على كل حاجة؟
الاجابة اكيد ايوة تصير لكن الدورة ساعدتهم على بناء روتين للمذاكرة وحسب الوقت اللي يقدر يعطيه يوميا.. يعني ما حاجي اقلك يلا انت عليك تذاكر ١٠ ساعات في اليوم عشان تحقق هدفك وانت ما تقدر تدي وقت للمذاكرة اكتر من نص ساعة. تخيل نص ساعة بس في يومك تقدر توصلك لهدفك لأنه في الدورة بنيت لك النظام اللي تمشي عليه، كل اللي عليك تسويه بس تفتح حسابك بالدورة و تمشي مع مسارك والباقي على الدورة..
الدورة المكثفة للستيب حتعطيك خلاصة ١٠ سنوات في دورة واحدة مصممة بتقنية الـ Active Focus للي تخليك ما تحس بالوقت وتتعلم بدون ما تمل, وحتكون معاك الين تحقق هدفك وتوصل للدرجة اللي تبغاها بأقل وقت ومجهود..
اذا انت متابعني من فترة فاكيد عندك خلفية عامة عن مراحل الستيب, نظريا الموضوع مهو صعب، لكن عمليا صعب انه يكون فيه مكان واحد يوازن لك بين هذي المراحل مع مراعاة مستواك وهدفك والوقت اللي تحتاج تجيب فيه الدرجة.. هي خلطة لازم تكون محسوبة بشكل دقيق عشان توصلك لافضل النتايج..
ودي بالزبط المنهجية اللي حيتم تصميم مسارك الشخصي في الدورة بناءً عليها:
(تطوير القراءة): حيكون عندك دروس مبنية من قطع الأسئلة المتوقعة ودا اللي اسمه تضرب عصفورين بحجر واحد يعني حتمارس القراءة من خلال قطع ولكن بطريقة مبسطة مصممة خصيصا لمستواك عشان ما تعاني بالبداية بالفهم وتحس انه الموضوع معقد يعني حناخد القراءة خطوة بخطوة الين تطور استيعابك وحصيلتك اللغوية بشكل عملي وبعدها حتكون مستعد لاي سؤال يقابلك
حنشرح تكنيكة "اسما" التكنيكة الاساسية لحل قسم القراءة في الاختبار، بعدها حيكون عندك شرح مفصل لكل أنواع الأسئلة اللي تيجي في الاختبار الفعلي زي اسئلة الرأي، اسئلة الموضوع، اسئلة المعنى، وغيرهم من انواع الاسئلة الجديدة اللي تظهر بالاختبار كل فترة زي اسئلة القطع A&B يعني الدورة بتتحدث اول بأول بناء على اي تحديثات بالاختبار وبالتالي حتكون متعود على شكل الاسئلة وما تتفاجئ منها في الاختبار
حيكون عندك المكتبة التفاعلية للاسئلة المتوقعة اللي ممكن تجيك بالاختبار حتتدرب عليها بشكل تفاعلي وتطبق التكنيكة الين ما تختمها
حتلاقي بعد كل قطعة الترجمة ومكان الاجابات عشان توضح لك ليش اخترنا هذي الاجابة بالزبط.
بعد ما تختم القسم من دروس وتدرب حيكون عندك اختبارات تجريبية كاملة للقراءة
٤٠ سؤال في ٦٠ دقيقة عشان تتدرب وتتعود على ضغط الوقت في الاختبار
وفي نهاية الاختبار حتعرف ايش الاشياء اللي غلطت فيها بالزبط عشان ترجع تراجعها.
شرح الجرامر مع احمد حجازي
حيشرح لك قسم الجرامر ذرة بذرة، كيف تحله؟ ايش الاشياء الاساسية اللي بتركز عليها؟ وتفاصيل كتير تانية
حيشرح لك التحليل الكتابي واهم انواع الاسئلة اللي تجي فيه وكيف تحلها
حيكون عندك دروس للقواعد الاساسية من تدريبات،شرح، حل الأسئلة.. كلها راح تكون موجودة.
حتشوف احمد قاعد يحل اسئلة ويطبق القاعدة قدامك، والرهيب انه الاسئلة حتكون من الاسئلة المتوقعة عشان تتعود على الاختبار أكثر.
بعد شرح كل قاعدة حيكون عندك كويز تفاعلي ودورك انك تحل وتختبر نفسك.
شرح تفصيلي وتفاعلي لـ تكنيكة "اجدا": تكنيكة حل اسئلة الجرامر في اختبار الستيب
حيكون عندك تدريبات تفاعلية عشان تستوعب اكتر كيف تطبق التكنيكة فعلياً على أسئلة الاختبار من خلال دروس تفاعلية، فـ انت ما حتتفرج، انت حتطبق ،، دورك انك تحل وتتدرب مع احمد خطوة بخطوة على التكنيكة.
حيكون عندك شرح مفصل لمساعدتك في فهم طريقة الاختبار وافضل طرق للحل اللي تقدر تستغل بيها وقت الاختبار واهمهم تكنيكة استغلال الوقت.
كمان راح اعطيك تكنيكات صغيرة "تسويها ولا تسويها" حتساعدك تتمكن اكتر من الاختبار وبالتالي تضمن درجة أعلى.
حتشوفني وانا قاعد احل اسئلة، كيف الطريقة اللي احل بيها عشان اوصل للاجابة الصح، بعدها راح يجي دورك وتحل بنفسك.
حيكون عندك تدريبات تفاعلية لتطبيق التكنيكات بشكل عملي واللي حتساعدك تتقن طريقة الحل وتصيد الاجابة الصح بدون ما يحتاج تكون فاهم كل كلمة بمقطع الاستماع.
حيكون عندك اسئلة بنفس طريقة الاختبار من خلال تدريبات تفاعلية، صممتها بتقنية الذكاء الاصطناعي عشان تقدر تتدرب على نفس الاسئلة اللي ممكن تجيك في الاختبار.
حتراجع اخطائك بعد كل تدريب تاخده عشان تطلع بأقصى استفادة ممكنة وما تكرر اخطائك.
خلال مسارك في الدورة حيكون عندك دروس خاصة بالكلمات، مصممة بطريقة كروت تثبيت الكلمات (واللي تعتبر من اقوى التقنيات اللي بتساعد في حفظ الكلمات) لانه بتخلي مخك يتسائل وبالتالي بتحفز خلايا المخ انه يركز اكثر عشان يعرف معنى الكلمة ومو بس حتعرف معناها كمان حتقدر تسمع نطق الكلمة وتشوف مثال تفاعلي عليها مع صورة عشان تتحول الكلمات للذاكرة طويلة المدى وتقدر تستوعب معناها بسهولة لما تقابلك بالاختبار.
كمان حيكون عندك دروس مراجعة للكلمات اللي حفظتها قبل فترة بتكنيكة التكرار المتباعد واللي بتعتمد انك تراجع اللي حفظته كل فترة وبالتالي تحتفظ بهذي الكلمات عندك في الذاكرة طويلة المدى🤸🏻♀️ودا معناه ما عليك تحفظ بنفسك لان الدورة هي اللي حتحفظك.
حيكون عندك اختبارات تجريبية على كل قسم من اقسام الاختبار عشان تطبق التكنيكات اللي اتعلمتها وتتأكد انه تقدر تخلص في الوقت المطلوب
وبنهاية مسارك حتكون جاهز تدرب على اختبارات تجريبية كاملة عشان تعيش جو الاختبار بالزبط يعني حيكون عندك مؤقت والاختبارات مصممة بنفس هيكلة وشكل الاختبار وهذي الاختبارات بتوفر عليك الفرص اللي ممكن تضيعها بانه تدخل الاختبار بس عشان تجرب
وبنهاية الاختبار حيظهرلك الاخطاء اللي سويتها عشان تتعلم منها بتعمق وتقدر تحدد ايش نقط ضعفك اللي يحتاج تشتغل عليها اكثر الين توصل للدرجة اللي تبغاها
دحين عرفت منهجية الدورة وعرفت كيف الدورة ساعدت كثيييييرين في تحقيق أهدافهم و اكيد حتساعدك انت كمان تحقق هدفك بالدرجة اللي تبغاها, لكن كيف الدورة؟ ايش حيكون عندك:
و٦٠ الف حاجة كمان .. يعني باختصار الدورة شاملة كلللل حاجة وحتاخدك خطوة بخطوة الين تحقق هدفك
1️⃣ اذا فيه معيار من المعايير هذي ناقص يحتاج تشتغل عليه بالبداية او اذا انت بديت في الستيب وحاسس كل حاجة واضحة ليك وفيه تطور ما انصحك تسجل بالدورة .. ابغاك تستمر وصدقني راح توصل باذن الله
2️⃣ اذا تبغاني اكون معاك من اول يوم خطوة بخطوة واعطيك كل حاجة تحتاجها عشان توصل لهدفك، بوعدك الدورة هي الشيء اللي تحتاجه واللي حتوصلك للدرجة في 🚀
الدورة المكثفة للستيب
قيمة 1300 ر.س.الحقيبة الورقية للمراجعة
قيمة 500 ر.س.المراجعة الشاملة ليلة اختبار الستيب
قيمة 300 ر.س.خدمة المتابعة الاسبوعية للانجاز
قيمة 1200 ر.س.
تحدي دبل سرعتك في الستيب
(خصيصا لهذي الدفعة)
كل هذي الخدمات اذا جبتها من دورات منفصلة وكتب ومعاهد وسفرات كل هذي الاشياء ممكن تكلفك اكتر من 3600 ريال .. لكن الدورة المكثفة للستيب بتقدملك كل حاجة تحتاجها في مكان واحد وبطريقة مرتبة
إذا سجلت الآن راح توصلك الحقيبة الورقية إلى
الدورة هذي هدفها تقدم لك نتائج حقيقية! وعشان كدا وعدي ليك "لاحظ فرق واضح في مستواك في ٧ ايام والا تقدر تسترجع مبلغك بالكامل"
ومعلومة سريعة 🏅97.5 % من مشتركين الدورة المكثفة للستيب لاحظو نتايج حقيقية باقل من ٧ ايام
جهزت لك مصادر قوية في خدمتك بدون مقابل 💛
"ازعل لما اسمع ناس كثير تفوتهم الجامعات اللي يتمنو يلتحقو بيها او فرص مهنية ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"
كم مدة الدورة؟
مدة الدورة مرنة عشان تطلع منها بنتيجة وبناء على مستواك وهدفك ووقتك راح احددلك المسار المناسب ليك يعني مثلا اذا مستواك متوسط وتبغا درجة ٩٠ وتقدر تذاكر ٣ ساعات باليوم، معناها راح تقدر تخلص الدورة في خلال شهر تقريبا ومع ذلك صلاحية خدمات الدورة حتكون متاحة معاك لمدة ٣٦٥ يوم
ايش مستوى الدورة؟
الدورة تناسب بداية من المستوى المبتدئ فما فوق وحسب مستواك وهدفك الدورة حتركز لك على الشئ اللي تحتاجه عشان توصل لهدفك باسرع وقت وباقل مجهود
حالياً مشغول ما اقدر ابدأ في الدورة مباشرة؟
ميزة الدورة انها مرنة وتتأقلم مع ظروفك تقدر تبدأ في الوقت المناسب ليك مع اعتبار انه صلاحية الدورة باشتراكك الاساسي هي ١٢ شهر، واللي تعتبر مدة جدا كافية عشان تحقق هدفك باذن الله من مستواك الحالي ويكون معاك وقت زيادة اذا اضطريت توقف لاي سبب 🚀 مع العلم الدورة اصلا مصممة للمشغولين يعني يكفي بس تبدأ بنص ساعة يوميا ومهي لازم متصلة ممكن تقسمها على يومك وانا انصح دايما انه تاخد الخطوة وتبدأ وما تنتظر الظروف المثالية
هل احتاج مصادر ثانية مع الدورة؟
الدورة تكفي وتوفي كل شئ تحتاجه موجود داخل الدورة من اسئلة متوقعة وتكنيكات لمصادر تطوير واختبارات تجريبية.
هل في امكانية اتواصل معاك على الجوال؟
بشكل عام مع المشتركين في الدورة بنكون معتمدين على الرسائل لانها دائما اسرع وتوفر وقت ولا تشيل هم لانه فريقي حيجاوب اسئلتك بالتفصيل وحيوضح لك كل شئ تحتاجه من القلب وتقدر انت تسوي فويس نوت اذا مو قادر توصل سؤالك وفكرتك كتابة
هل في اسرار في الدورة لا توجد في اي مكان ثاني؟
الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تحقق الدرجة اللي تبغاها.
بالدورة المكثفة.. هل الدرجة مضمونة؟
لا. اذا منت ناوي تذاكر مستحيل تجيب الدرجة، لكن اذا اجتهدت بناء على مسارك الشخصي اللي راح اعطيه ليك في الدورة اكيد راح تضمنها باذن الله.
هل لازم اتابعك على السوشيال ميديا (انستجرام، يوتيوب، تويتر، الخ)؟
سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه مافي شيء يخرج عن الدورة)، وقتها راح انصحك بشكل كبير انك تشوف محتوى السوشيال ميديا اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي تغطي لك كل تفاصيل الاختبار.
هل اقدر احضر الدورة من اي مكان؟
الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒
هل اقدر اشترك في الدورة وانا ما عندي لابتوب؟
لا تخاف جهزت الدورة و صممتها عشان تشتغل معاك سواء من الجوال او الايباد او اللابتوب.
حقائب الدورة بتوصل كل مكان في الظروف الحالية؟
بحاول انا من طرفي انه اشحن الحقيبة وان شاء الله بتوصل خلال شركة DHL.. ولكن بعض الدول لظروف خارجة عن ارداتنا ما نقدر نوصل ليها وبتمنى لو اقدر اوصل الحقيبة حتى لو بيدي
ممكن احد يستفيد معاي في الدورة؟
الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.
هل عندك دورة لتأسيس الانجليزي؟
يب بقدم الدورة التأسيسية للانجلش تقدر تشوف تفاصيلها من هنا
هل عندك دورة لاختبار الايلتس؟
يب بقدم دورة مكثفة في الايلتس تقدر تشوف تفاصيلها من هنا
مو مطلوب مني اختبار الستيب دحين بس ابغى اتكلم باحترافية عشان فرص مهنية كتير تفوتني بسبب اللغة هل دورة الستيب تناسبني؟
دورة الستيب مصممة بشكل اساسي عشان تساعدك تجتاز الاختبار بأسرع وقت وبالتالي بتركز اكثر على تفاصيل الاختبار وتكنيكات خاصة بالستيب طبعا فيها جزء خاص بتطوير المستوى ولكن اذا ما عندك اختبار ستيب قريب ما انصحك بالدورة لانه ما حتستفيد الاستفادة الكاملة واذا حاب تبدأ بدورة تساعدك تتكلم باحترافية فدورة المحادثة الاحترافية هي اقوى حاجة اقدمها حتساعدك تستخدم الانجلش بحياتك العملية او العلمية وتقدر تشوف تفاصيلها من هنا