الدفعة الخامسة ٢٠٢٣
حقق طموحك بدرجة قوية بالستيب
اقوى دورة تأخذك خطوة بخطوة وتحقق طموحك بوقت قياسي
باقي على نهاية الدورة
المشكلة مع الستيب
فرص وظيفية قوية تضيع عليك بسبب شرط الستيب؟
درجة الستيب هي العائق بينك وبين دراستك؟
ما تبغا تضيع فلوسك ووقتك وما تحقق الدرجة؟
وفي هذي الدورة راح اقلك ايش اللي عليك تسويه بالزبط!
بديت من الصفر في الانجلش وكانت تجربتي مع اللغة عبارة عن معاناة.. كنت احاول اطبق كل نصيحة اسمعها،
وجربت طرق كثييرة وكل مرة طريقة تفشل كنت اتحطم اكتر .. صرفت آلاف الريالات وضيعت ٣ سنوات ولسه ماني
قادر اوصل للخلطة السحرية اللي تساعدني اجيب درجة قوية باختبارات اللغة زي الايلتس والستيب عشان
احقق حلمي بدراسة الماجستير في جامعة قوية وبعدها اتوظف في شركة كبيرة..
وبعد تجربة ٥٠ الف طريقة قدرت اوصل لافضل الطرق اللي تختصر الوقت والمجهود وساعدتني احقق درجة ٩٧
باختبار الستيب في اشهر قليلة مو سنوات!
وبعدها قررت انشر تجربتي واختصر الطريق على المهتمين باختبار الستيب والحمدلله ساعدت أكثر من ٢
مليون شخص خلال الـ ٨ السنوات الماضية في تحقيق طموحهم في اختبارات اللغة وتأسيس وتطوير لغتهم من
الصفر حرفيا من خلال دوراتي المكثفة والمحتوى اللي بقدمه على السوشيال ميديا.
تعريف الدورة
⚙️ اقوى التكنيكات
اللي تختصر عليك الطريق
👨🏻💻 دروس تفاعلية
تحاكي التدريب الشخصي
🛣️ المسار الشخصي
يرتب لك الدروس خطوة بخطوة
🧑🏻🎓 نتائج حقيقة
حتشوف تطور ملحوظ بوقت قياسي
وانا هنا مو عشان اقدم لك دورة .. انا هنا عشان اقدملك نتايج واساعدك تجيب درجة قوية باختبار الستيب في وقت قياسي
ودا مو بس كلامي ..هذي تجارب وكلام مجربين يوصلني يوميا ..
🎉 نورا كانت تبغا درجة قوية باختبار الستيب للوظيفة وكانت تتوقع حتحتاج تختبر اكتر من مرة
عشان تحقق دا الهدف، لكن بدأت الدورة وجابت الدرجة في شهر، طبقت التكنيكات و جابت الـ ٨٣ من
اول اختبار
انا نورا صراحه بديت بالدورة وكنت مره متحمسة معها اسلوب الشرح والاسئلة جداً يشد
الانتباه ، قبل الاختبار بشهر بديت و حجزت و توكلت على الله، و الحمدلله كان جداً سهل
صراحه ما توقعت كذا،القطعة و اسئلتها جداً مفهومة حتى قفلت القسم وهو باقي لي فيه ٢٠
دقيقة.
تجربة نورا - درجة
٨٣
تجربة عبدالرحمن
🎉 عبدالرحمن كان هدفه يجيب درجة ٧٠ ، دخل الدورة بمستوى جدا بسيط والدورة ساعدته بقوة خاصة
التكنيكات ومع نهاية مساره بالدورة كان وصل لدرجة فوق هدفه فعليا.
انا عبدالرحمن، كنت اختبرت قبل الدورة وكانت الدرجة ضعيفة جدا فقررت ادخل الدورة مع
حجازي ومن المرة الثانية جبت درجة فوق اللي اتوقعته الحمدلله.
تجربة عبدالرحمن - درجة
٨٢
🎉 زياد دخل الدورة كان مستواه شوي مبتدئ، كان يحتاج درجة قوية للبكالوريوس، اشتغل على
تطوير مهارات اللغة عنده مع التكنيكات ووصل لدرجة ما كان يتوقعها.
انا زياد دخلت الدورة مستوايا كان ضعيف، لكن ما اتوقعت اوصل لهذي الدرجة ابدا، راضي جدا
عن درجتي وجدا مبسوط فيها الحمدلله،، اكتر شيء الدورة ساعدتني فيه هي مهارة القراءة
حسيت اني تطور مستوايا مررة، كمان الاستماع صار افضل،، بشكل عام طلعت بحاجات أكثر من
مجرد اختبار الحمدلله.
تجربة زياد - درجة ٨٢
وانت كمان تقدر!
تبدأ وتحقق هدفك وتجيب درجة قوية باختبار الستيب.. مهو مطلوب ابدا تكون حريف باللغة. ومهما كانت الصعوبات اللي تواجهك وتحس انها السبب اللي يمنعك توصل لهدفك.. صدقني هي كلها عوائق وهمية وحلها في سر بسيط "الأعمدة الخمسة للستيب" والخلطة السرية اللي ساعدتني وساعدت الآلاف في تحقيق أهدافهم..
١. الكلمات
٢. القراءة التطويرية
٣. الجرامر
١. التكنيكات
٢. التدرب على الأسئلة المتوقعة
هدفها تطوير أساسيات اللغة عندك، وهذي أول خطوة عليك تبدأ بيها وانت قاعد تستعد للاختبار ، لانه بدون تطوير راح تحس الاختبار حاجة صعبة ومنت قادر توصل للدرجة المطلوبة لانه اهملت جزء اساسي ما ينفع تسحب عليه.
التدرب على الأسئلة المتوقعة: - هدفها الأساسي تتعود على الاسئلة وتعيش جو الاختبار .
وهذي المبادئ الاساسية اللي ركزت عليها في الدورة المكثفة للستيب عشان تضمن توصل لأقوى النتايج في أسرع وقت
التكنيكات: هي طرق حل مختصرة توصلك لاقوى درجة، إذا حاولت تجاوب في اختبار الستيب بطرق الحل العادية حتلاقي وقت الاختبار خلص وانت لسه ما حليت الا ٥٠٪ من الاختبار، عشان كدا كان لازم يتم تهكيير طرق الحل وهذي مهمة التكنيكات اللي هي عبارة عن خدع تساعدك تحقق درجة اقوى، وتعرف كيف تحل اكبر عدد اجابات صحيحة في الوقت المطلوب.
التدرب على الأسئلة المتوقعة: - هدفها الأساسي تتعود على الاسئلة وتعيش جو الاختبار .
وهذي المبادئ الاساسية اللي ركزت عليها في الدورة المكثفة للستيب عشان تضمن توصل لأقوى النتايج في أسرع وقت
من تجربتي وتجربة مشتركين كتار، قد ما تتدرب على استخدام التكنيكات وعلى اختبارات تجريبية أكثر قد ماراح تضمن لك توصل درجة قوية بالاختبار الفعلي.
سجل في الدورة سجل في قائمة الانتظارخدماتك في الدورة
الكلمات التفاعلية
حيكون عندك في الدورة اكتر من ٣٨٠ كلمة اساسية واللي تتكرر في اختبار الستيب، تساعدك يكون عندك حصيلة لغوية قوية للاختبار بشكل خاص وللغتك بشكل عام.
دروس القراءة التطويرية
تركيزها انه تطور عندك مهارة القراءة لاختبار الستيب، فهنا حنركز على انه نعلي مستوانا في القراءة، نعلي سرعتنا واستيعابنا عشان نحقق درجة قوية بإذن الله.
القواعد الأساسية:
سوينا تحليل وشوفنا فيه ايش اهم القواعد اللي اختبار الستيب مركز عليهم ، أحمد حجازي شرح هذي القواعد المهمة والأساسية في اختبار الستيب بشكل مفصصل، وعميق، وتفاعلي، حتشوف القاعدة،، حتتدرب، تاخد اختبار تجريبي وهكذاا
الأسئلة المتوقعة لاختبار الستيب
جمعت لك اكتر من ٥٠٠ تدريب تفاعلي على الأسئلة المتوقعة في الستيب لكل الاقسام، ف انت ما حتتفرج، انت حتطبق ،، دورك انك تحل معايا ،، وتتدرب على التكنيكات بشكل عملي.
الاختبارات التجريبية
حيكون عندك اختبارات تجريبية هدفها تحط نفسك تحت ضغط الاختبار وتعيش جو الاختبار فحتكون
عندك اختبارات بوقت محدد، محاكاة للاختبار الفعلي
الاجوبة حتطلع لك في النهاية وحيقولك درجتك، فبيعودك على بيئة الاختبار بحيث لما تدخل
الاختبار ما
تكون متفاجئ، بالعكس تكون متعود على كيف تطبق التكنيكات، طريقة إدارة الوقت، …
خدمات إضافية (Bonus)
1. ورش عمل لايف
بعض الاحيان نحتاج حماس وطاقة عشان كدا راح نتجمع ونحل ونتفاعل لايف مع بعض.
شوف مثال
♾ كمشترك في الدورة حيكون عندك صلاحية دخول لا محدودة لاكتر من ١٨ ورشة عمل لايف طول مدة
اشتراكك،.
الجدول متغير لكن غالبا بتكون الورش كل اسبوعين في المسا 🌘.
2. حقيبة ورقية للدورة: (للمراجعة والممارسة)
حقيبة الدورة المكثفة تحتوي على:
📘 كتيب للمراجعة والتدريب
🗓️ تقويم الإنجاز
📒 كروت الفوكاب.
3. مكتبة تسجيلات ورش العمل (خصيصا لهذي الدفعة)
صح حيكون عندك ورش عمل لايف موجودة لكن الورش اللي اخدناها زمان تقدر ترجع لها وتشوفها، فحكيون عندك كمية محتوى ضخم جدا، اذا تحتاج ترجع لها تتأكد او تتدرب اكثر على جزئية معينة.
الدورة اختصرت على الاف المشتركين وقت رهيب، كانت ممكن تضيع فرص حقيقة عليهم اذا ما وصلو للدرجة المطلوبة في دا الوقت، طيب يجي السؤال كيف التزم كل هذولا الناس بالمذاكرة اليومية؟ ما كان يجي شعور بالطفش او انه يبغا يسحب على كل حاجة؟
الاجابة اكيد ايوة تصير لكن الدورة ساعدتهم على بناء روتين للمذاكرة وحسب الوقت اللي يقدر يعطيه يوميا.. يعني ما حاجي اقلك يلا انت عليك تذاكر ١٠ ساعات في اليوم عشان تحقق هدفك وانت ما تقدر تدي وقت للمذاكرة اكتر من ساعتين. تخيل ساعتين بس في يومك تقدر توصلك لهدفك لأنه في الدورة بنيت لك النظام اللي تمشي عليه، كل اللي عليك تسويه بس تفتح حسابك بالدورة وتمشي مع مسارك والباقي على الدورة..
الدورة المكثفة للستيب حتعطيك خلاصة ٨ سنوات في دورة واحدة مصممة باحدث التقنيات التفاعلية اللي تحاكي تجربة التدريب الشخصي، وحتكون معاك الين تحقق هدفك وتوصل للدرجة اللي تبغاها في وقت قياسي..
اذا انت متابعني من فترة فاكيد عندك خلفية عامة عن الاعمدة الخمسة للستيب، نظريا الموضوع مهو صعب، لكن عمليا صعب انه يكون فيه مكان واحد يوازن لك بين هذي الاعمدة مع مراعاة مستواك وهدفك والوقت اللي تحتاج تجيب فيه الدرجة.. هي خلطة لازم تكون محسوبة بشكل دقيق عشان توصلك لافضل النتايج..
ودي بالزبط المنهجية اللي حيتم تصميم مسارك الشخصي في الدورة بناءً عليها:
- التطوير
-
(القراءة التطويرية): حيكون عندك دروس للقراءة التطويرية مبنية من قطع الأسئلة المتوقعة ودا اللي اسمه تضرب عصفورين بحجر واحد يعني يعني حتمارس مهارة القراءة من خلال قطع وحيكون عندك اسئلة تحلها على أساس فهمك للقطعة، فحرفيا انت قاعد تتدرب وتحل قطع وتطور من مستواك وبنفس اللحظة تزيد نسبة استيعابك وبالتالي راح تساعدك تتعامل مع أسئلة الاختبار بشكل أفضل.
-
كمان حيكون عندك روايات اكسفورد هي من افضل المصادر اللي موجودة لتطوير مهارة القراءة، تقدر تنوع بينها وبين القطع خاصة اذا عندك وقت وبالتالي ما راح تطفش لانه كمان الروايات مررة ممتعة ومتأكد راح تفرق في نسبة استيعابك بشكل كبير.
- التكنيكات
-
حنشرح تكنيكة "اسما" التكنيكة الاساسية لحل قسم القراءة في الاختبار، بعدها حيكون عندك شرح مفصل لكل أنواع الأسئلة اللي تيجي في الاختبار الفعلي زي اسئلة الرأي، اسئلة الموضوع، اسئلة المعنى، وغيرهم، وبالتالي تتعود على شكل الاسئلة وما تتفاجئ منها في الاختبار.
- الأسئلة المتوقعة
-
حيكون عندك اهم الاسئلة المتوقعة للقراءة اللي ممكن تجيك بالاختبار حتتدرب عليها بشكل تفاعلي وتطبق التكنيكة الين ما تختمها
-
حتلاقي بعد كل قطعة الترجمة ومكان الاجابات عشان توضح لك ليش اخترنا هذي الاجابة بالزبط.
- الاختبارات التجريبية
بعد ما تختم القسم من دروس وتدرب حيكون عندك اختبارات تجريبية كاملة للقراءة
٤٠ سؤال في ٦٠ دقيقة عشان تتدرب وتتعود على ضغط الوقت في الاختبار
وفي نهاية الاختبار حتعرف ايش الاشياء اللي غلطت فيها بالزبط عشان ترجع تراجعها.
شرح الجرامر مع احمد حجازي
حيشرح لك قسم الجرامر ذرة بذرة، كيف تحله؟ ايش الاشياء الاساسية اللي بتركز عليها؟ وتفاصيل كتير تانية
حيشرح لك التحليل الكتابي واهم انواع الاسئلة اللي تجي فيه وكيف تحلها
- التكنيكات
حيكون عندك دروس للقواعد الاساسية من تدريبات،شرح، حل الأسئلة.. كلها راح تكون موجودة.
حتشوف احمد قاعد يحل اسئلة ويطبق القاعدة قدامك، والرهيب انه الاسئلة حتكون من الاسئلة المتوقعة عشان تتعود على الاختبار أكثر.
بعد شرح كل قاعدة حيكون عندك كويز تفاعلي ودورك انك تحل وتختبر نفسك.
شرح تفصيلي وتفاعلي لـ تكنيكة "اجدا": تكنيكة حل اسئلة الجرامر في اختبار الستيب
- الأسئلة المتوقعة
حيكون عندك تدريبات تفاعلية عشان تستوعب اكتر كيف تطبق التكنيكة فعلياً على أسئلة الاختبار من خلال دروس تفاعلية، فـ انت ما حتتفرج، انت حتطبق ،، دورك انك تحل وتتدرب معايا على التكنيكة.
- التكنيكات
حيكون عندك شرح مفصلل لمساعدتك في فهم طريقة الاختبار وافضل طرق للحل اللي تقدر تستغل بيها وقت الاختبار واهمهم تكنيكة استغلال الوقت.
كمان راح اعطيك تكنيكات صغيرة "تسويها ولا تسويها" حتساعدك تتمكن اكتر من الاختبار وبالتالي تضمن درجة أعلى.
- التدريبات التفاعلية
حتشوفني وانا قاعد احل اسئلة، كيف الطريقة اللي احل بيها عشان اوصل للاجابة الصح، بعدها راح يجي دورك تمسك قلم وتحل بنفسك.
حيكون عندك تدريبات تفاعلية لتطبيق التكنيكات بشكل عملي واللي حتساعدك تستوعب فكرة الاختبار وتتعود عليها.
- الأسئلة المتوقعة
حيكون عندك اسئلة بنفس طريقة الاختبار من خلال تدريبات تفاعلية، صممتها بتقنية الذكاء الاصطناعي عشان تقدر تتدرب على نفس الاسئلة اللي ممكن تجيك في الاختبار.
حتراجع اخطائك بعد كل تدريب تاخده عشان تطلع بأقصى استفادة ممكنة وما تكرر اخطائك.
- التطوير
خلال مسارك في الدورة حيكون عندك دروس خاصة بالكلمات، مدعومة بتقنية الفلاش كارد (واللي تعتبر من اقوى التقنيات اللي بتساعد في حفظ الكلمات) زي انه تشوف الكلمة، تعرف معناها، تشوف مثال عليها، وتسمع كيف يكون نطقها في السياق وبالتالي فرصة انك تتذكرها صارت أضعاف.
كمان حيكون عندك دروس مراجعة للكلمات اللي حفظتها قبل فترة بتكنيكة التكرار المتباعد واللي بتعتمد انك تراجع اللي حفظته كل فترة وبالتالي تحتفظ بهذي الكلمات عندك في الذاكرة طويلة المدى🤸🏻♀️ودا معناه ما عليك تحفظ بنفسك لان الدورة هي اللي حتحفظك.
وفي نهاية مسارك بعد ما تختم كل الأقسام حيكون عندك اختبارات تجريبية كاملة بنفس أسلوب الاختبار الفعلي مع مؤقت عشان تساعدك تعيش جو الاختبار وتكون جاهز 💯
دحين عرفت منهجية الدورة وعرفت كيف الدورة ساعدت كثيييييرين في تحقيق أهدافهم و اكيد حتساعدك انت كمان تحقق هدفك بوقت قياسي، لكن كيف الدورة؟ ايش حيكون عندك:
- 🧠 معرفة شاملة عن اختبار الستيب - أكثر من ٨٠ درس تفاعلي مع عبدالرحمن وأحمد حجازي ، واللي بتغطي (1) شرح التكنيكات والأساسيات ، (2) تدريبات تفاعلية ، (3) ابدأ طبق بنفسك، (4) حل اختبارات تجريبية.
- 📚 كخدمة إضافية في الدورة حتوصلك حقيبة الدورة المكثفة للستيب خلال اسبوع من اشتراكك شاملة مراجعة وتدريبات إضافية لو حاب تتدرب اكتر الين توصل للدرجة اللي تبغاها.
- 🚀 المسار الشخصي: حتكون الدروس مرتبة خصيصا ليك بناء على مستواك وهدفك وهو نظام مرتب بترتيب الايام ودليل خطوة بخطوة للوصول للهدف بدون اي تشتت. ودا حيساعدك في توفير +10 ساعات كل أسبوع. كمان حيوازن لك مذاكرتك بين الأعمدة الخمسة للستيب وبالتالي حتحقق هدفك بوقت قياسي.
- 🚂 تتدرب باستمرار (بشكل يومي) على تطوير الاعمدة الاساسية (كلمات وجرامر وقراءة تطويرية) بدون ملل من خلال أحدث تقنيات للتدرب
- 🐝 تطبيق عملي وتفاعلي لأفضل التكنيكات اللي حتختصر عليك الطريق وتساعدك توصل لهدفك في وقت قياسي، حتوفر عليك ساعات في البحث عن مصادر او تكنيكات، ودا معناه انه ما راح تهدر شهور في مصادر وطرق ما حتساعدك توصل للدرجة اللي تبغاها ؛)
- 💡 دروس الاسئلة المتوقعة حتكون شاملة الاجابات بشرح ايش هي الاجابة الصح وليش؟ و كمان الاسئلة المتوقعة للاستماع حتكون عندك المقطع الصوتي حقها مع النص عشان اذا واجهتك كلمة صعبة وحبيت ترجع للنص ما تضيع وقتك، وبالتالي ما حتكرر نفس الأخطاء مرة ثانية لانك قاعد تستفيد من أخطائك السابقة وتتعلم منها.
- 🧭 تاخد اختبارات تجريبية تساعدك في اكتشاف نقاط ضعفك وايش اللي عليك تطوره، وبالتالي تتأكد من تطور مستواك بشكل مستمر على مدار مسارك لين توصل للهدف اللي تبغاه ودا عن طريق ملاحظة تطور درجاتك في الاختبارات التجريبية والتدريب كمان عشان لا تضيع الوقت في أجزاء ممكن ما تكون مفيدة ليك من ناحية تطور مستواك، عشان تتعود اكتر على شكل الاختبار وتكسر حاجز خوفك وتكون مستعد
- 📱 التواصل المستمر - لمدة ١٢ شهر حتقدر توصل لي على واتساب بشكل مباشر، حساعدك في أي سؤال واستفسار عندك، حكون معاك الين تحقق هدفك بإذن الله.
- ❓ ورش شبه أسبوعية مع عبدالرحمن و أحمد حجازي - ورش عمل لايف للممارسة والتدريب العملي, الحضور مفتوح ليك لمدة 12 شهرًا
و٦٠ الف حاجة كمان .. اذا لسه حاب تعرف اكتر خليك مستمرر في القراءة 😛
تجربة نوره في الدورة
ابغا اقدم لك نتايج واضحة.. مو بس دورة
500+مشترك واكثر حقق طموحه خلال هذي الدورة
شوف الناس ايش قالو..
عندنا سيناريوهين..
1️⃣ اذا انت بديت في الستيب، وحاسس كل حاجة واضحة وفيه تطور.. ما انصحك تسجل بالدورة.. ابغاك تستمر وصدقني راح توصل باذن الله.
2️⃣ اذا تبغاني اكون معاك من اول يوم خطوة بخطوة واعطيك كل حاجة تحتاجها عشان توصل لهدفك، بوعدك الدورة هي الشيء اللي تحتاجه واللي حتوصلك للدرجة في وقت قياسي 🚀
اذا كنت لسه منت متأكد الدورة حتناسبك او لا .. خليني اساعدك واقلك متى هذي الدورة ما حتكون مناسبة ليك..
اذا ما كنت مستعد لتخصيص الوقت والجهد، على الاقل ٥ ساعات اسبوعيا للدورة والالتزام بيها طوال مدة مسارك
إذا كنت تتوقع انه مجرد ما تسجل في الدورة خلاص افتكيت من الستيب، فـ ترا الدورة مهي سحر، لكن هي طريق مختصر
اذا كان مستواك تأسيسي، ما انصحك لانه مستوى الدورة اعلى شوي من مستواك وبالتالي احتمال تعاني الين تستوعب ايش اللي قاعد يصير (انصحك تاخذ الدورة التأسيسية وبعدها تشترك في الدورة المكثفة.. اضغط هنا)
ونفس الشيء اذا مستواك متقدم في اللغة، انت وصلت الين دا المستوى بنفسك واشوف انك تقدر تكرف شويتين وتكمل مشوارك.
اذا باقي على اختبارك اقل من اسبوع.. (القاعدة العامة هي انه عشان ترفع ٢٠ درجة في الاختبار تلزم مذاكرة ١٠٠ ساعة)، اذا اقل معناها ضمان الدرجة صعب وهنا ممكن تقلل تخلي هدفك واقعي عشان يتناسب مع وقتك او تأجل موعد اختبارك عشان يكون عندك الوقت الكافي تستعد فيه.
والدورة حتكون جدا مناسبة ليك اذا:
مستواك مبتدئ فما فوق الدورة راح تناسبك بشكل مررة كويس. تقدر تعرف مستواك من هنا
اذا وقتك ضيق وتبغا نتائج بوقت قياسي فالدورة ليك، هدفنا الوحيد هو تسهيل واختصار الطريق ليك من خلال بناء الأنظمة وتوفير الوقت. فإذا كان دا الشيء اللي تبغاه ، فاحنا نحب نكون معاك في رحلتك
اذا كنت حاب حاجة تاخذك خطوة بخطوة وتوصلك للدرجة اللي تبغاها بوقت قياسي فالدورة هي انسب خيار ليك
هذي الدورة اسميها دورة نتائج .. الشيء الوحيد الذي اقدر اضمنه ليك هو أنه إذا مشيت على مسارك واستمريت، درجة الستيب حتكون معاك.
عرض الدفعة الخامسة
دروس تكنيكات الستيب الأساسية (اكتر من ٢٠ درس تفاعلي)
قيمة 700 ر.س.+١٥٠شرح لسؤال مهم في قواعد الستيب
قيمة 600 ر.س.+٣٠ تدريب عملي لجميع أجزاء الاختبار
قيمة 500 ر.س.+٥٠٠ تدريب تفاعلي على الأسئلة المتوقعة للستيب
قيمة 400 ر.س.تذكرة حضور لأكثر من ١٤ ورشة عمل لايف
قيمة 1200 ر.س.حقيبة ورقية للمراجعة والتدرب
قيمة 300 ر.س.اكسس لمكتبة تسجيلات فوق الـ٢٠ ورشة عمل
قيمة 900 ر.س.كل هذي الخدمات اذا جبتها من دورات منفصلة وكتب ومعاهد وسفرات كل هذي الاشياء ممكن تكلفك اكتر من ٣٠٠٠ ريال .. لكن الدورة المكثفة للستيب بتقدملك كل حاجة تحتاجها في مكان واحد وبطريقة مرتبة
ضمان النتايج 💯
اذا بديت وما لقيت تطور حقيقي خلال ٧ أيام تقدر تسترجع مبلغك بالكامل
ما تقدر على المبلغ
جهزت لك مصادر قوية في خدمتك بدون مقابل 💛
"ازعل لما اسمع ناس كثير تفوتهم بعثات وفرص ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"
والحمدلله فخور بـ
درس تفاعلي داخل الدورة
كتاب استخدمته عشان اجهز الدورة
متوسط الدرجة اللي حققها المشتركين
ساعة يوميا حكون معاك طوال الرحلة
الاسئلة الشائعة
كم مدة الدورة؟
مدة الدورة راح احددها ليك بناء على مستواك وهدفك ببداية الدورة بخطة مذاكرة تفصيلية خطوة بخطوة.. غالبا بين اسبوعين لـ ٨ اسابيع 🚀 لكن الدورة مفتوحة ليك الين ما تحقق هدفك في الستيب (١٢ شهر بحد اقصى).
ايش مستوى الدورة؟
الدورة مناسبة اذا تبغا درجة بين ٥٥ إلى ٩٥.. راح يكون تركيزنا كله على تطوير اللغة، التكنيكات والاسئلة المتوقعة باختبار الستيب اللي راح تساعدك توصل للدرجة ما راح تاخذ الاشياء حقت المعاهد.
حالياً مشغول ما اقدر ابدأ في الدورة مباشرة؟
ما علييك الدورة راح تكون معاك على طول تقدر تدخل حسابك و تذاكر في اي وقت فاضي عندك.
هل احتاج مصادر ثانية مع الدورة؟
الدورة تكفي وتوفي كل شئ تحتاجه موجود داخل الدورة من اسئلة متوقعة وتكنيكات لمصادر تطوير واختبارات تجريبية.
هل في امكانية اتواصل معاك على الجوال؟
بشكل عام مع المشتركين في الدورة عشان اقدر اوفر الوقت بكون معتمد على الرسائل لانها دائما اسرع لي وتساعدني انجز اكتر.
هل في اسرار في الدورة لا توجد في اي مكان ثاني؟
الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تحقق الدرجة بوقت قياسي.
بالدورة المكثفة.. هل الدرجة مضمونة؟
لا. اذا منت ناوي تذاكر مستحيل تجيب الدرجة، لكن اذا اجتهدت بناء على الخطة اللي راح اعطيها ليك في الدورة اكيد راح تضمنها باذن الله.
هل لازم اتابعك على السوشيال ميديا (انستجرام، يوتيوب، تويتر، الخ)؟
سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه مافي شيء يخرج عن الدورة)، وقتها راح انصحك بشكل كبير انك تشوف محتوى السوشيال ميديا اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي تغطي لك كل تفاصيل الاختبار.
هل اقدر احضر الدورة من اي مكان؟
الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒
هل اقدر اشترك في الدورة وانا ما عندي لابتوب؟
لا تخاف جهزت الدورة و صممتها عشان تشتغل معاك سواء من الجوال او الايباد او اللابتوب.
حقائب الدورة بتوصل كل مكان في الظروف الحالية؟
ايوة بتوصل.. بحاول انا من طرفي انه اشحن الحقيبة وان شاء الله بتوصل خلال شركة DHL..
ممكن احد يستفيد معاي في الدورة؟
الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.
هل عندك دورة لتأسيس الانجليزي؟
يب بقدم الدورة التأسيسية للانجلش تقدر تشوف تفاصيلها من هنا
هل عندك دورة لاختبار الايلتس؟
يب بقدم دورة مكثفة في الايلتس تقدر تشوف تفاصيلها من هنا